الصبـر يا غـزه ام النصـر وام الثـبـات
وام البطولات ذي ما تنتهي من وعاها

ي المعجزه في زمن خالي من المعجزات
ي النعمه اللي عطاها الله ذي ما رعاها

يا جمع ڪلمة (عروبه) من رفات الشتات
عروبتش صعب شرواها وسهل ٳدّعاها

مالـش ومال النواطـل يا قماز البنــات
الناطـله ناطـله ، مـا ناعـي ٳلـا نعــاهـا

فلا هي اللي تقـدم مثلش التضحيات
ولا هي اللي تجيب الداعِ لـامن دعــاها

لا تسمعي ذي يقولوا عهد صدام فات
في ذا الزمن كل نعجه عارفه مرتعاها

صدام ما مات ، من قال إن صدام مات ؟
مـا غير ماتـت عـروبتنا ومـتنا معــاهـا

كلمات الشاعر ابو هاجس النصيري